Thursday, April 04, 2013

ಬೊಗಳೂರು ಫ್ಲ್ಯಾಶ್: ಆಂಟಿಯ ರೇಪ್ ಬಿಲ್‌ಗೆ ಅಂಕಿತ


[ಬೊಗಳೂರು ರೇಪ್ ಬ್ಯುರೋದಿಂದ]
ಬೊಗಳೂರು, ಏ.5- ಆಂಟಿಯ ರೇಪ್ ಬಿಲ್‌ಗೆ ರಾಷ್ಟ್ರಪತಿಗಳು ಅಂಕಿತ ಮುದ್ರೆ ಹಾಕಿರುವಂತೆಯೇ ಬೊಗಳೂರಿನಲ್ಲಿ ಸಂಚಲನವೆದ್ದಿದೆ.

ಫೇಸ್‌ಬುಕ್ಕಿನಲ್ಲಿ ಪೋಕ್ ಮಾಡುವವರಿಗೂ ಆಂಟಿಯ ರೇಪ್ ಬಿಲ್ ಅನ್ವಯವಾಗುತ್ತದೆಯೇ ಎಂಬ ಪ್ರಶ್ನೆಗೆ ಉತ್ತರಿಸಿದ ಮತ್ತೆ ಮತ್ತೆ ಸಚಿವರಾಗಲು ಹಂಬಲಿಸುತ್ತಿರುವ ಮಾಜಿ ಕೇಂದ್ರ ಸಚಿವರೂ, ಅದಕ್ಕೂ ಹೆಚ್ಚಿನದಾಗಿ ಅತ್ಯಂತ ಖ್ಯಾತ ಮಾಜಿ ರಾಜ್ಯಪಾಲರೂ ಆಗಿರುವ ಏನ್‌ಡೀ ಛೀವಾರಿಯವರು, ಹಾಗೆ ಮಾಡುವುದಿಲ್ಲ ಎಂದು ಸ್ಪಷ್ಟಪಡಿಸಿದ್ದಾರೆ.

ಈ ಮಧ್ಯೆ, ಕರುನಾಟಕದ ರಾಜಕೀಯದಲ್ಲಿ ಬಿಗ್‌ಬಾಸ್‌ನಿಂದ ಹೊರದೂಡಲ್ಪಟ್ಟು ನೇರವಾಗಿ ಫ್ಯಾನಿನಡಿ ಬಂದು ಬಿದ್ದ ನರ್ಸ್‌ಲಕ್ಷ್ಮಿ ಅವರು ರೇಣುಕಾಚಾರ್ಯ ವಿರುದ್ಧ ಸ್ಪರ್ಧಿಸುವುದಕ್ಕೂ ಅಂಗೀಕಾರಗೊಂಡಿರುವ ಆಂಟಿಯ ರೇಪ್ ಬಿಲ್‌ಗೂ ಸಂಬಂಧವಿದೆಯೇ ಎಂಬ ಕುರಿತು ಸಂಚೋದನೆಗಳು ನಡೆಯುತ್ತಿರುವುದಾಗಿ ತಿಳಿದುಬಂದಿದೆ.

ತಿಮಿಂಗಿಲಗಳಿಗೆ ಸಹಕಾರ: ಪ್ರಶ್ನೆ ಪತ್ರಿಕೆ, ಬೆಲೆ ಇಳಿಕೆಗಳಿಗೂ ನಿಷೇಧ

[ಬೊಗಳೂರು ಭಾಗ್ಯಗಳ ಬ್ಯುರೋದಿಂದ] ಬೊಗಳೂರು: ಜನರು ಸೀಲಿಂಗ್ ಫ್ಯಾನಿಗೆ ನೇಣು ಹಾಕಿಕೊಂಡು ಆತ್ಮಹತ್ಯೆ ಮಾಡಿಕೊಳ್ಳುತ್ತಿರುವುದರಿಂದ ಸೀಲಿಂಗ್ ಫ್ಯಾನನ್ನೇ ನಿಷೇಧಿಸಬೇಕು...