Saturday, January 05, 2008

ಬೊಗಳೆ ಓದುವ ಉಪರಾಷ್ಟ್ರಪತಿ !

(ಬೊಗಳೂರು ಅಪ್ಪಟ ಬೊಗಳೆ ಬ್ಯುರೋದಿಂದ)
ಬೊಗಳೂರು, ಜ.5- ಬೊಗಳೆ ರಗಳೆ ಪತ್ರಿಕೆಯನ್ನು ನಮ್ಮ ದೇಶದ ಉಪರಾಷ್ಟ್ರಪತಿಗಳೂ ಓದುತ್ತಾರೆ ಎಂಬುದು ದೃಢವಾಗಿದೆ. ಈ ವಿಷಯವನ್ನು ನಾವೇ ಪತ್ತೆ ಮಾಡಿದ್ದು, ನಮಗೆ ಈ ವಿಷಯ ತಿಳಿದುಬರಲು ಕಾರಣವೆಂದರೆ ಇಲ್ಲಿ ಪ್ರಕಟವಾಗಿರುವ ವರದಿ!

ಇದರಲ್ಲಿ ನಮ್ಮ ವಿರೋಧಿ ಪತ್ರಿಕೆಗಳ ಕುತಂತ್ರವಿದೆ ಎಂಬ ಶಂಕೆ ನಮಗೆ ಆರಂಭವಾಗಿದೆ. ತೀವ್ರವಾಗಿ ಇಳಿಕೆಗತಿಯಲ್ಲಿ ಸಾಗುತ್ತಿರುವ ನಮ್ಮ ಪತ್ರಿಕೆಯ (ಅಪ)ಪ್ರಸಾರ ಸಂಖ್ಯೆಯನ್ನು ಒಂದಕ್ಕೆ ಏರಿಸುವ ಕುತಂತ್ರದ ಫಲವೇ ಇದು ಎಂದು ಬೊಗಳೆಯ ಅಸತ್ಯಾನ್ವೇಷಣಾ ಬ್ಯುರೋ ಕಂಡುಕೊಂಡಿದೆ.

ಉನ್ನತ ಹುದ್ದೆಯಲ್ಲಿರುವ ವ್ಯಕ್ತಿಗಳ ಬಾಯಲ್ಲಿ ಈ ಹೇಳಿಕೆಯನ್ನೇಕೇ ಹೇಳಿಸಬೇಕಿತ್ತು ಎಂಬುದನ್ನು ತಿಳಿಯದೆ ಚಡಪಡಿಸುತ್ತಿದ್ದ ಸೊಂಪಾದ-ಕರುಗಳೆಲ್ಲಾ ಒಟ್ಟಾಗಿ ಈ ತೀರ್ಮಾನಕ್ಕೆ ಬಂದಿವೆ ಎಂದು ತಳ ಮತ್ತು ಬುಡವಿಲ್ಲದ ಸುದ್ದಿಯ ಮೂಲಗಳು ತಿಳಿಸಿವೆ.

ಅಂದರೆ ಇದುವರೆಗೆ ಒಂದಕ್ಕಿಂತ ಕಡಿಮೆ ಇದ್ದ ಓದುಗರ ಸಂಖ್ಯೆಯು ಉಪರಾಷ್ಟ್ರಪತಿಗಳ ಓದುವಿಕೆಯಿಂದಾಗಿ ಒಂದಕ್ಕೆ ಏರಿರುವುದು ಖಚಿತಪಟ್ಟಂತಾಗಿದೆ. ಒಂದಕ್ಕೇ ಅವರು ಈ ರೀತಿಯ ಹೇಳಿಕೆ ನೀಡಬಾರದಿತ್ತು ಎಂಬುದು ನಮ್ಮ ಬ್ಯುರೋವನ್ನು ಕಾಡಿದ ಅಂಶವಾಗಿದೆ.

No comments:

Post a Comment

ನಿಮ್ಮ ಸಲಹೆ/ಅಭಿಪ್ರಾಯ ತಿಳಿಸಿ..

ಎಂಜಿನ್ ಇಲ್ಲದ ರೈಲು: ಬ್ರೇಕಿಂಗ್ ನ್ಯೂಸ್ ಅಲ್ಲವೆಂದ ಬೊ.ರ.

[ಬೊಗಳೂರು ಪಟ್ಟೆ-ರಹಿತ ರೈಲು ಬ್ಯುರೋ] ಬೊಗಳೂರು: ಆಫ್‌ಲೈನ್ ಪತ್ರಿಕೆಯಲ್ಲಿ ಪ್ರಕಟವಾದ ಸುದ್ದಿಯೊಂದು ಆನ್‌ಲೈನ್ ಸಂಪಾದಕರ ಕಣ್ಣು ಕುಕ್ಕಿದ್ದು, ಎಂಜಿನ್ ಇಲ್ಲದೆ...